रौतहट । जन्ती बोकेको भारतीय नम्बर प्लेटको गाडी रौतहटमा दुर्घटना हुँदा चार जनाको मृत्यु भएको छ ।

चन्द्रपुर–गौर सडक खण्डमा जन्ती बोकेको भारतीय बीआर ०५ पीए ६९५३ नम्बरको गाडी दुर्घटनामा परेको हो ।

दुर्घटनामा घाइते तीन जनाको अवस्था गम्भीर रहेको इलाका प्रहरी कार्यालय गरुडाले जानकारी दिएको छ ।

मृतक तीन जनाको शव पोस्टमार्टमको लागि ग्रान्डी अस्तालमा र एक जनाको हेल्थ लाइन अस्पताल गरुडामा राखिएको छ।

गाडीमा सात जना मात्रै सवार रहेको प्रहरीले जनाएको छ । दुर्घटनाको कारण र मृतकको पहिचान खुल्न सकेको छैन । मृतक भारतीय नागरिक रहेको स्थानीयले जनाएका छन् ।