तिलक थापा
बाग्लुङ । संयुक्त बाम गठबन्धनको चुनावी सभा, जनभेटघाट तथा घरदैलो अभियान मौन अवधिको अन्तिम दिनसम्म भव्यकासाथ सम्पन्न भएको छ । चुनावी अभियान अन्तरगत निसीखोला तमानखोला र ढोरपाटन नगरपालिका बिभिन्न सभाहरु सम्पन्न भएको हो । जसअन्तर्गत मंगलबार ढोरपाटन नगरपालिका वडा नं ६ गाडीखोला, खानी र चामिदुवारमा चुनावी सभा सम्पन्न भएको छ ।
कार्यक्रममा बोल्दै साझा बाम उमेदवार खिमविक्रम शाहीले राजनीतिक परिवर्तनले ब्यबस्था फेरिएको भन्दै अब जनताको अबस्था परिबर्तन गर्न र देखिने गरी शिक्षा स्वास्थ्य र यातायात जस्ता आधारभूत आवश्यकता पुरा गर्नको लागी आफु निसी भुजी र तमानका उत्पिडित जनताहरुको साझा उमेदवार रहेको बताउनु भयो । शाहीले कुनै प्रलोभन र धम्कीको पछी नलागी स्वतन्त्र रुपले सबैलाई गिलास चिन्हमा मतदान आग्रह गर्नुभयो ।
कार्यक्रममा प्रमुख अतिथि नेपाल कम्युनिष्ट पार्टी (नेकपा) स्थायी समिति सदस्य एबम प्रतिनिधि सभा सांसद देबेन्द्र पौडेल, ढोरपाटन नगरपालिका मेयर देव कुमार नेपाली सम्बोधन गर्नुभएको थियो । त्यस्तै, स्वर्गीय टेक बहादुर घर्ती मगरकी जिवन संगिनी सुनमाया घर्तीले आफ्नो श्रीमानले देखेको हरेक सपना पुरा पुरा गर्न खिमविक्रम शाहीलाई बिजय बनाऊन अनुरोध गर्नुभयो ।कार्यक्रकममा अखिल नेपाल महिला संघकी अध्यक्ष मिना पुन, राष्ट्रिय जनमोर्चाका केन्द्रीय सदस्य एबम् जिल्ला समन्यव समिति प्रमुख राजेन्द्र ढुंगाना लगायतले मन्तव्य व्यक्त गर्नुभएको थियो ।
त्यस्तै, अखिल नेपाल जनजाति सम्मेलनका अध्यक्ष निम बहादुर बुढा (नेकपा)का जिल्ला कार्यलय सदस्य लाल बहादुर थापा, प्रदेश मामिला समिती सभापति कृष्ण थापा, अखिल (छैठौं) बागलुङका अध्यक्ष इन्द्रमणी पाण्डे,ढोरपाटन नगरपालिका ऊपमेयर करमती पुन,अखिल नेपाल महिला संघ केन्द्रीय उपाध्यक्ष लक्ष्मी बास्कोटा, युवा नेता रमेश बिक्रम शाही,राम प्रसाद चालिसे, अखिल नेपाल ट्रेड युनियन महासंघका केन्द्रीय सदस्य केरसिह अदै,उमेश बुढा लगायतका नेता हरुको आतिथ्यता रहेको थियो ।
कार्यक्रममा निर्वाचन परिचालन समितिका संयोजक ज्ञान बहादुर बिकको अध्यक्षता बोम बहादुर विक सञ्चालन र दुर्गा बहादुर भण्डारीको स्वागतमा सम्पन्न भएको छ । आजै तीनै वटा पालिकामा चुनावी प्रचार प्रसारका कार्यक्रम सम्पन्न भएका छन ।
