नवलपरासी । राष्ट्रिय जनमोर्चा, नवलपरासीले एमसीसी सम्झौता खारेजीको माग गर्दै विरोध सभा सम्पन्न गरेको छ । आइतबार सुनवलचोकमा विरोध सभा सम्पन्न गरेको हो ।
विरोधलाई सम्बोधन गर्दै प्रमुख वक्ता रक्तिम सांस्कृतिक अभियानका केन्द्रीय अध्यक्ष रेम रानाले एमसीसी मिलियम च्यालेन्ज कर्पोरेसन ईन्डो पेसिफिक स्ट्याटेजिको अभिन्न अङ्ग भएकोले मुलुकलाई अमेरिकी सैने रणनीतिको चङ्गुलमा फसाएर जवर्जस्ति साम्राज्यवादी युद्धमा धकेल्ने योजना साथ आएको बताउनुभयो । उहाँले नेपालीले एमसीसीको विरोध गरेर संसदमा पेस गर्न नदिएर स्वतन्त्र मुलुकको रुपमा देशको अस्तित्व कायम राख्न आग्रह गर्नुभयो।
त्यस्तै, नेपाल कम्युनिस्ट पार्टी (मसाल) नवलपरासी जिल्ला प्रवक्ता धनपति सापकोटा, अखिल नेपाल किसान महासंघ नवलपरासी जिल्ला अध्यक्ष जितबहादुर पौडेलले पनि एमसीसी राष्ट्रिय हित विरुद्ध रहेकोले यसलाई खारेज गर्नुपर्नेमा जोडदिनु भएको थियो।
विरोध कार्यक्रम राजमो जिल्ला अध्यक्ष किसनबहादुर अधिकारीको अध्यक्षता र तिलक प्रसाद सुवेदीको सञ्चालनमा सम्पन्न भएको थियो ।
