रिसव आचार्य, बुटवल ।
राष्ट्रिय जनमोर्चाका पूर्वकेन्द्रीय सल्लाहकार सुरेश थापाले एमसीसी कुनै पनि हालतमा पास गर्न नहुने बताउनुभएको छ । राष्ट्रिय जनमोर्चा, बुटवलले शनिबार आयोजना गरेको विरोध सभालाई सम्बोधन गर्दै नेता थापाले एमसीसी तत्काल खारेज गर्न माग गर्नुभयो ।
उहाँले एमसीसी राष्ट्रियता, स्वतन्त्रता, अखण्डतामाथि नै खतरा रहेको भन्दै यस्तो राष्ट्रघाति सम्झौताका विरुद्ध आन्दोलनको आँधिबेहरी सिर्जना गर्नु पर्ने आवश्यकता रहेको बताउनु भयो ।
त्यस्तै, राजमो रुपन्देहीका जिल्ला सचिव टानबहादुर खत्रीले एमसीसी विरुद्वको आन्दोलनमा सडकमा उत्रिन आम नेपाली जनतालाई अपिल गर्नु भएको थियो ।
अखिल (छैठौं) का केन्द्रीय सदस्य तथा जिल्ला अध्यक्ष सागर बेल्बासेले राष्ट्रियता बचाउने जिम्मेवारी आम युवा विद्यार्थीहरुको काँधमा आएको हुँदा सम्पूर्ण युवा विद्यार्थीहरु समेत एमसीसी विरुद्व आन्दोलनमा सहभागी हुन अपिल गर्नु भयो ।
कोणसभामा राजमोका नेता कार्यकर्तासहित युवा विद्यार्थी र स्थानीयको बाक्लो उपस्थिति रहेको थियो ।
