गणेश अधिकारी, पोखरा ।
अखिल (छैठौं) गण्डकी प्रदेशको भेला पोखरामा सम्पन्न भएको छ । शनिबार भएको भेलाले नयाँ नेतृत्व चयन गरेको छ ।
भेलाको उद्घाटन अखिल (छैठौं) का अध्यक्ष देवेन्द्र कुँवरले गर्नु भएको थियो ।
कार्यक्रममा संगठनका केन्द्रीय उपाध्यक्ष गणेश अधिकारी, कोषाध्यक्ष तथा गण्डकी प्रदेश इन्चार्ज प्रतिभा आचार्य, सचिव इन्द्रमणि पाण्डेको आतिथ्यता रहेको थियो ।
यस्तै, राष्ट्रिय जनमोर्चाका केन्द्रीय सदस्य तथा प्रदेश अध्यक्ष शंकर बराल, कास्की जिल्ला अध्यक्ष रविमोहन ढकाल, उद्योग व्यापार संघका केन्द्रीय सदस्य सन्तोष पौडेल, अखिल नेपाल ट्रेड युनियन महासंघ (अन्टुक) का केन्द्रीय सदस्य नाम बहादुर बाठा मगर, अखिल (छैठौं) का केन्द्रीय सदस्य प्रताप पौडेलको समेत आथित्यता रहेको थियो ।
भेलाले दानबहादुर सारु मगरको अध्यक्षतामा १५ सदस्यीय समिति चयन गरेको छ । समितिको उपाध्यक्ष दिलेन्द्र बुढा मगर, सचिव सोमनाथ अधिकारी, सहसचिव बिना ढुंगाना, कोषाध्यक्ष मिलन सुनुवार, सदस्यमा सुनयना शर्मा, पुजा सुवेदी, सन्देश रम्पाल, सुजन पौडेल, सुमन बुढा रहनुभएको छ । हाल ४ स्थान रिक्त राखिएको छ ।
साथै समितिले ३ सदस्यीय सल्लाहकार समेत चयन गरेको छ । सल्लाहकारमा इन्द्रमणि पान्डे, गणेश सापकोटा र दीपेन्द्र पौडेल रहनुभएको छ । कार्यक्रमको अध्यक्षता दान बहादुर सारु र सञ्चालन दिपेन्द्र पौडेलले गर्नु भएको थियो ।
