रौतहट । राष्ट्रिय जनमोर्चा, रौतहटको आयोजनामा विभिन्न जनवर्गीय संगठनको संयुक्त भेला सम्पन्न भएको छ ।

बुधबार भएको भेलाले आर्थिक अभियान, पार्टी प्रवेश सभा, संगठनात्मक अभियान लगायतका विषयमा निर्णय गरेको जिल्ला अध्यक्ष हरिकिशोर महतोले जानकारी दिनुभयो ।

रौतहटमा राजमोप्रति आकर्षण बढ्दै गइरहेको र केही दिनमै सभाको आयोजना गरी पार्टी प्रवेश कार्यक्रम गरिने अध्यक्ष महतोले बताउनुभयो । उहाँले विभिन्न पार्टीबाट तथा स्वतन्त्र व्यक्तिहरुसमेत राजमोमा प्रवेश गर्न इच्छुक रहेको जानकारी दिनुभयो ।

राष्ट्रिय जनमोर्चाका केन्द्रीय सदस्य तथा रौतहट जिल्ला ईन्चार्ज धर्मानन्द सुवेदीको विशेष उपस्थितिमा भएको भेलाको अध्यक्षता राजमो जिल्ला अध्यक्ष महतोले गर्नुभएको थियो ।