रिसव आचार्य, सन्धिखर्क ।
अखिल (छैठौं) अर्घाखाँचीले संगठन बिस्तारलाई तीब्र गतिमा अघि बढाएको छ । संगठनले ‘विद्यालय देखि विश्वविद्यालय सम्म’ अभियान अन्तरगत जिल्लाका विभिन्न शैक्षिक संस्थामा संगठन बिस्तार गरेको हो ।
त्यसक्रममा आइतवार ३ वटा ईकाइ समिति गठन गरिको जिल्ला अध्यक्ष जीवन नेपालीले जानकारी दिनु भएको छ ।
भूमिकास्थान नगरपालिका–३ मा रहेको अन्नपूर्ण माविमा अनिल घर्तीको अध्यक्षतामा १५ सदस्यीय ईकाई समिति गठन भएको छ । समितिको उपाध्यक्षमा सुस्मा पाण्डे, सचिव एमना पाण्डे,सहसचिव अशोक पौडेल र कोषाध्यक्षमा मन्जु पोख्रेल रहनु भएको छ।
त्यस्तै, भूमिकास्थान नगरपालिका–४ स्थित शान्ति माविमा पनि १३ सदस्यीय ईकाइ समिति गठन भएको छ । जसको अध्यक्षमा भोजराज खनाल, उपाध्यक्षमा अञ्जलि विक, सचिवमा चेरि आले, सहसचिवमा विश्व घम र कोषाध्यक्षमा मुस्कान आले चयन हुनुभएको छ ।
यसैगरी, सन्धिखर्क नगरपालिका २ शंखेटारीस्थित भगवती माविमा पनि ११ सदस्यीय कमिटी गठन भएको छ । समितिको अध्यक्षमा ममता जिसी, उपाध्यक्ष तेसर श्रेष्ठ, सचिव लजु चौधरी, सहसचिव दामोदर खनाल र कोषाध्यक्षमा मनिषा नेपाली लगायत हुनुहुन्छ।
३ वटै कार्यक्रमलाई अखिल (छैठौं) का केन्द्रीय सदस्य तथा जिल्ला अध्यक्ष जीवन नेपालीले सम्बोधन गर्नुभयो । अध्यक्ष नेपालीले विद्यार्थीहरुको हक अधिकार प्राप्तिको निम्ति, शैक्षिक विकृति, राष्ट्रघाति कदमका विरुद्ध विद्यार्थी र जनताका बिचमै रहेर संघर्ष र आन्दोलन गर्ने संगठन अखिल (छैठौं) मात्रै रहेको बताउँदै विद्यार्थीहरुलाई अखिल छैठौंमा आवद्व हुन आग्रह गर्नुभयो ।
कार्यक्रममा अखिल (छैठौं) का जिल्ला उपाध्यक्ष प्रकाश चुदाली, सचिव लक्ष्मी बन्जाडे, कोषाध्यक्ष गिता थापा, सदस्य विशाल जिएम लगायतको उपस्थिति रहेको थियो ।
सोही क्रममा सोमबार २ वटा ईकाइ समिति गठन गरिको छ । जस अन्र्तगत सन्धिखर्क नगरपालिका–२ स्थित अर्घाखाँची आवासीय उच्च माविमा मूल ईकाइ समिति गठन गरेको छ । समितिको अध्यक्षमा सुमन पुरी, उपाध्यक्ष सृजना खनाल, सचिव मदन घिमिरे, सहसचिव रन्जिता खनाल र कोषाध्यक्षमा सुदिप चुदालि लगायत १३ सदस्यीय मुल ईकाई समिति चयन गरेको छ ।
त्यसैगरी, भूमिकास्थान नगरपालिका–६ स्थित जनप्रिय मावि खिल्जिमा पनि समिति गठन भएको छ । जसको अध्यक्षमा आकृति भण्डारी, उपाध्यक्ष गोबिन्द चुदाली, सचिव पुजा श्रेष्ठ, सहसचिव सुमन बन्जाडे र कोषाध्यक्षमा विन्दु परियार सहित ८६ सदस्यीय ईकाइ समिति गठन गरिएको हो ।
कार्यक्रममा जिल्ला उपाध्यक्ष प्रकाश चुदाली, कोषाध्यक्ष गिता थापा लगायतका नेताहरुको उपस्थिति रहेको थियो । कार्यक्रमको सञ्चालन जिल्ला सचि लक्ष्मी बन्जाडेले गर्नुभएको थियो ।
हालसम्म ‘विद्यालय देखि विश्वविद्यालय सम्म’ अभियान सुरु भएदेखि जिल्लाका ७ विद्यालयहरुमा समिति निर्माण गरिसकेको जिल्ला अध्यक्ष नेपालीले जानकारी दिनुभयो ।
