अर्घाखाँची । राष्ट्रिय जनमोर्चाका सक्रिय सदस्य होतराज खनाल पत्नीशोकमा पर्नुभएको छ । खनालकी श्रीमती देवा खनालको ४६ वर्षको उमेरमा सोमबार आफ्नै निवास भूमिकास्थान नगरपालिका २ मुलटंकीमा निधन भएको हो ।
मृतक खनालको आजै स्थानीय आर्यघाटमा अन्त्येष्टि गरिएको छ। खनालको पार्थिक शरीरमा राष्ट्रिय जनमोर्चा भूमिकास्थान नगरपालिका नगर सदस्य तथा राजमो २ नम्बर वडाका अध्यक्ष बावुराम खनालले पार्टीको झण्डा ओढाउनु भएको थियो ।
अखिल (छैठौं) का राष्ट्रिय परिषद् सदस्य तथा लुम्बिनी प्रदेश सदस्य टेकराज भुसालले खनालको निधनले पार्टी र महिला आन्दोलनलाई अतुलनीय क्षति पुगेको बताउनुभयो ।
अन्त्येष्टि कार्यक्रममा नेकपा (माओवादी केन्द्र) का चेतन खनाल, नेकपा (एमाले) भूनपा–२ का अध्यक्ष रामबहादुर थापा, नेपाली कांग्रेस भूनपा–२ का सभापति इन्द्रमणी खनाल, भूनपा–१ का वडा सदस्य गोपाल नेपाली, भूनपा–२का वडा सदस्य तेजीराम भुसाल लगायतले अन्तिम श्रद्धाञ्जली दिनुभएको थियो । मृतक खनालका २ छोरा र १ छोरी छन्।
