रिसव आचार्य, अर्घाखाँची ।
अखिल (छैठौं) जिल्ला समिति अर्घाखाँचीद्वारा ‘विद्यालय देखि विश्वविद्यालय’ विशेष संगठनात्मक अभियानको उद्घाटन गरेको छ ।
हालै सम्पन्न अखिल (छैठौं) केन्द्रीय समितिको निर्णय अनुसार मंसिर १५ देखि पुस ३० गतेसम्म विशेष संगठनात्मक अभियानको शुरुवात गरेको जिल्ला अध्यक्ष जीवन नेपालीले जानकारी दिनुभयो ।
श्री युवा वर्ष जनता रबि चित्र माध्यमिक विद्यालय हटारीनेटा सन्धिखर्कबाट सो कार्यक्रमको उद्घाटन गरिएको छ । कार्यक्रमलाई सम्बोधन केन्द्रीय सदस्य तथा जिल्ला अध्यक्ष जीवन नेपालीले विद्यार्थीहरुले विभिन्न विद्यार्थी संगठनले खेलेको भूमिकाको बारे राम्रोसँग बुझेर संगठनमा आबद्ध हुन अनुरोध गर्नु भएको छ । कार्यक्रमलाई सम्बोधन गर्दै नेपालीले अखिल (छैठौं) ले खेलेको भूमिका, नीति, सिद्धान्त आगामी कार्य योजनाका बारेमा प्रष्ट पार्नु भएको थियो ।
अध्यक्ष नेपालीले अखिल (छैठौं)ले विद्यार्थी आन्दोलनमा महत्त्वपूर्ण भूमिका खेलेको, हत्या, हिंसा, बलात्कार, पेट्रोलियम पदार्थकोको मूल्य वृद्धि, संघीयता, शैक्षिक विकृतिलगायतको बिरुद्धमा सबै भन्दा अग्रपंक्तिमा आन्दोलनमा सडकमा उत्रिएको बताउनु भएको थियो ।
सोही अवसरमा संजित पाण्डेको अध्यक्षतामा ११ सदस्यीय युवा वर्ष जनता रबि चित्र मावि हटारिनेटा मूल ईकाइ समिति गठन गरिएको छ । जसको उपाध्यक्षमा सितल नेपाली, सचिवमा किशन सिंह नेपाली, सहसचिवमा निर्मल केसी, कोषाध्यक्षमा नेत्र सिंजाली लगायत ११ सदस्यीय रहेको मूल इकाइ कमिटी गठन गरिएको छ । कार्यक्रममा ९० बढी विद्यार्थीहरुको उपस्थिति रहेको थियो ।
अखिल (छैठौं) केन्द्रीय सदस्य तथा जिल्ला अध्यक्ष जीवन नेपालीको प्रमुख आतिथ्यता, जिल्ला उपाध्यक्ष प्रकाश चुदालीको सन्चालनबाट अघि बढेको कार्यक्रमको अध्यक्षता विद्यार्थी नेता शितल पाण्डेले गर्नुभएको थियो । कार्यक्रममा जिल्ला सचिव लक्ष्मी बन्जाडे, जिल्ला कोषाध्यक्ष गीता थापाको समेत उपस्थिति रहेको थियो ।
