काठमाडौँ । राष्ट्रिय जनमोर्चाका नेता आनन्द शर्माका बुबा तथा राजमो केन्द्रीय सदस्य सुधा शर्माकी ससुरा विष्णुदत्त उपाध्यायको निधनप्रति नेकपा (मसाल) बागमती प्रदेश ब्युरो र राजमो बागमती प्रदेशले भावपूर्ण श्रद्धाञ्जली व्यक्त गरेको छ ।
नेकपा (मसाल) बागमतीका प्रवक्ता समीर सिंह र राजमो बागमतीका अध्यक्ष लालबहादुर थापाको हस्ताक्षरमा २०७८ मङ्सिर १२ गते जारी गरिएको शोकवक्तव्यमा श्रद्धाञ्जली तथा सहानुभूति व्यक्त गरिएको हो ।
यस्तो छ शोकवक्तव्यको पूर्ण पाठ
“राष्ट्रिय जनमोर्चा, बागमती प्रदेशका नेता क. आनन्द शर्माका बुवा विष्णुदत्त उपाध्यायको ८२ वर्षको उमेरमा लामो समयदेखि क्यान्सर रोगबाट पीडित भई हिजो मङ्सिर ११ गते बागलुङको जैदीमा निधन भएको छ । उहाँको यो दुःखद निधनले हाम्रो पार्टीलाई दुखित बनाएको छ । मृतक विष्णुदत्तप्रति हार्दिक श्रद्धाञ्जली व्यक्त गर्दै शोकसन्तप्त परिवारप्रति गहिरो समवेदना प्रकट गर्दछौँ ।”
