कृष्ण केसी, नारायणगढ ।
मूल प्रवाह अखिल भारत नेपाली एकता समाजले मिर्गौला पीडितलाई एक लखा एक सय रुपियाँ सहयोग गरेको छ ।

२०७८ मङ्सिर ३ गतेका दिन नेपाली एकता समाजको दक्षिण भारत क्षेत्रीय समितिको पहलमा सो रकम सङ्कलन गरिएको थियो ।

सो रकम राजमो जिल्ला कार्यालय चितवनमा भरतपुर–२३ निवासी लालुप्रसाद उपाध्यायका छोरा हिरामणि उपाध्यायलाई हस्तान्तरण गरिएको थियो ।

सो अवसरमा मूल प्रवाहका केन्द्रीय सचिव जनकराज पौडेल, कोट्यायम नगर समितिका कोषाध्यक्ष टीकाराम सुवेदी, राष्ट्रिय जनमोर्चाका केन्द्रीय सदस्य तथा चितवन जिल्लाध्यक्ष डम्मर पुरी, राजमो जिल्ला सचिव पुष्पकमल सुवेदी, रक्तिम सांस्कृतिक अभियानकी जिल्लाध्यक्ष देवी शर्माको उपस्थिति रहेको थियो ।