काठमाडौं । नेपालबाट एक वर्षमै ११ हजार भन्दा धेरै विद्यार्थी अमेरिका पढ्न गएका छन् । सन् २०२१ मा ११ हजार भन्दा बढी नेपाली विद्यार्थी अमेरिका अध्ययनका लागि गएको अमेरिकी विदेश मन्त्रालयले जनाएको छ ।

अमेरिकाले मंगलबार सार्वजनिक गरेको ‘ओपन डोर्स रिपोर्ट अन इन्टरेनसनल एजुकेसन एक्सचेन्ज’ नामक प्रतिवेदनका अनुसार कोरोना महामारीका बाबजुद सन् २०२१ मा ११ हजार १७२ जना नेपाली विद्यार्थी अमेरिका पढ्न गएको तथ्यांंक छ ।

उक्त प्रतिवेदनका अनुसार धेरै अन्तर्राष्ट्रिय विद्यार्थी अमेरिका पठाउने विश्वका मुलुकको सूचीमा नेपाल बाह्रौँ स्थानमा परेको छ ।

नेपाली विद्यार्थीका लागि अमेरिका लोकप्रिय गन्तब्य रही आएको छ। सन् २०२१ मा विश्वका विभिन्न मुलुकबाट गरी ९ लाख १४ हजार विद्यार्थी अमेरिका पढ्न गएको रिपोर्टमा उल्लेख छ ।