काठमाडौं । सरकारले विद्युतको शुल्क घटाएको छ । अब ५ एम्पियरको लाइन लिने सिङ्गल फेज घरायसी ग्राहकले २० युनिटसम्म खपत गर्र्दा ३० रुपैयाँ मात्रै तिरे हुने भएको छ ।

मंसिरदेखि लागू हुने नयाँ महसुलदर अनुसार सर्भिस चार्जबापत ३० रुपैयाँ मात्रै लिने भएको हो । आज एक कार्यक्रम गर्दै विद्युत् नियमन आयोगले नयाँ महसुलदर सार्वजनिक गरेको हो ।

आयोगले इन्डक्सन चुला तथा विद्युतीय उपकरणको प्रयोग बढी हुने युनिटअनुसारको स्ल्याबमा समेत महसुल दर घटाएको छ । त्यसैगरी सिंचाइका ग्राहकको महसुल पनि घटेको छ ।

इन्डक्सन चुल्होको प्रयोग गर्ने तहका ग्राहकलाई थप सहुलियत मिल्ने आयोगले बताएको छ । अब २० युनिटसम्मको पहिलो स्ल्याब हुनेछ भने २१ देखि ३०, ३१ देखि ५०, ५१ देखि १००, १०१ देखि २५० र २५१ युनिट भन्दा माथिसम्मको स्ल्याब कायम गरिएको छ ।