काठमाडौं । नेकपा (मसाल) का महामन्त्री एवम् वरिष्ठ प्रगतिवादी साहित्यकार मोहनविक्रम सिंहको बहुप्रतिक्षित उपन्यास ‘जलजला’ अन्तिम चरणमा पुगेको छ । सिंहले सामाजिक सञ्जाल फेसबुकमा स्ट्याटस लेख्दै जलजलाबारे जानकारी गराउनुभएको छ ।
लेखक सिंहका अनुसार यो बहुप्रतिक्षित उपन्यासको विमोचन जलजलाको जन्मदिनका अवसर पारेर आउँदो २०७९ साल साउन ४ गते हुनेछ । ७ भाग रहेको जलजलाको १ देखि ४ तथा ६ र ७ भाग तयार भइसकेको तथा भाग ५ तयारीका क्रममा रहेको उहाँले जानकारी दिनुभएको छ ।
यसअघि आठ भागमा उपन्यास तयार पार्ने सिंहको योजना भएपनि पछिल्लो समय सातवटा भागमै टूंग्याउने निर्णय गरेको उहाँले बताउनुभयो ।
सिंहले आफ्नो साहित्यिक जीवनको सबैभन्दा महत्वपूर्ण कृति मान्नुभएको उपन्यास जलजला २० वर्षदेखिको आफ्नो योजना रहेको बताउनुभएको छ ।
यो पनि : ४० वर्ष अगाडि जलजलाले लेखेको त्यो पत्र
मोहनविक्रम सिंहसँग भिडियो वार्ताः कहिले आउँछ, ‘जलजला’ ?
‘त्यो उपन्यासलाई मैले करिब २० वर्ष देखि लेखिरहेको छु तर पुरै नै उपन्यासको काममा लाग्न नसकेकोले बढी समय लागेको छ’ सिंहले भन्नुभएको छ, ‘तैपनि, बिचमा कुनै अप्रत्यासित दुर्घटना नभएमा, २०७९ सालको श्रावण ४ गते त्यसको विमोचन हुनेछ भन्ने मैले विश्वास गरेको छु ।’
