तौलिहवा । अनेरास्ववियु (छैठौं) कपिलवस्तुको जिल्ला सम्मेलन २०७८ असोज ९ गते शनिबार हुने भएको छ ।

“शैक्षिक निजीकरण, उदारीकरण, सङ्घीयता र एमसिसी विरुद्ध हाम्रो आन्दोलन, वैज्ञानिक र जनवादी शिक्षाका लागि अठाह्रौँ कपिलवस्तु जिल्ला सम्मेलन” मूल नाराका सम्मेलन हुन लागेको हो ।

बुधबार बसेको अखिल (छैठौं) जिल्ला सचिवालयको बैठकले सो निर्णय गरेको जिल्लाध्यक्ष रिसव आचार्यले जानकारी दिनुभयो ।

जिल्लाको शिवराज नगरपालिका खरेन्द्रपुरमा हुन लागेको सम्मेलनको उद्घाटन अखिल (छैठौं) का केन्द्रीय उपाध्यक्ष देवेन्द्र कुँवरले गर्ने तय भएको छ ।

सम्मेलनमा जिल्लाभरिबाट सयौँको सङ्ख्यामा विद्यार्थी जम्मा गर्ने गरी तयारी तीव्र रूपमा अगाडि बढाएको अखिल (छैठौं) कपिलवस्तुले जानकारी दिएको छ ।