काठमाडौं । काठमाडौंको बूढानीलकण्ठ नगरपालिकामा बहुउदेश्यीय सहकारी नगर समन्वय समिति गठन गरिएको छ । शनिबार सम्पन्न भेलाले पुस्कर चालिसेको संयोजक रहेको ११ सदस्यीय समिति चयन गरेको हो ।
समितिको सहसंयोजकमा विश्व कुमार पोख्रेल, सचिवमा विष्णुचन्द्र अधिकारी र कोषाध्यक्षमा अनुजा श्रेष्ठ चयन हुनुभएको छ । सदस्यहरुमा गिता मिश्र पुडासैनी, बलराम ढुंगेल र गौराज मगर चयन हुनुभएको छ । समितिमा चार सदस्य पछि थप गर्ने गरी हाललाई रिक्त राखिएको छ।
बहुउदेस्यीय सहकारी संस्थाहरुका पेशागत सुरक्षा र व्यवसायिक विकासका लागि समितिले काम गर्ने संस्थाका सचिव विष्णुचन्द्र अधिकारीले युगदर्शनलाई बताउनुभयो ।
बुढानिलकण्ठ नगरपालिका वडा नं १२ को माता नवदुर्गा बहुउदेस्यीय सहकारी संस्थामा आयोजना गरिएको भेलामा बहुउदेस्यीय सहकारी संस्थाका संस्थापक अध्यक्ष तुलसी सापकोटा र जिल्ला उपाध्यक्ष लक्ष्मी संग्रौलाको उपस्थिति थियो ।
