कञ्चनपुर । जातीय समता समाज कञ्चनपुरको संयोजकमा महेश नागरी चयन हुनुभएको छ । आइतबार भएको भेलाले नागरिकको संयोजकत्वमा ११ सदस्यीय जिल्ला सम्मेलन आयोजक समिति गठन गरेको हो ।

सदस्यहरुमा गौरी लुहार, ईन्द्रलाल दमाई, कमला लुहार, देविराम कोली, टीका विक, भवानी टमटा र करण परियार चयन हुनुभएको छ भने तीन सदस्य रिक्त राखिएको छ ।

भेलामा राष्ट्रिय जनमोर्चाका जिल्ला अध्यक्ष राम बहादुर कार्की, कार्यालय सचिव लाल बहादुर कुँवर, अखिल नेपाल ट्रेड युनियन महासंघ (अन्टुक) प्रदेश संयोजक जनक कुँवरको आथित्यता रहेको थियो ।

भेलाको अध्यक्षता समता समाजका पूर्वअध्यक्ष महेश नागरीले गर्नु भएको थियो ।