मेघराज रिष्मेली, ओसाका (जापान )।
अर्लाङकोट सेवा समाज जापानले गुल्मीका नारायणबहादुर केसीको परिवारलाई आर्थिक सहयोग हस्तान्तरण गरेको छ ।
गुल्मी जिल्ला मुसिकोट नगरपालिका –९ दासिकोट टेक बहादुर खत्रीका कान्छा छोरा हाल जापानको ओसाकामा रोजगारी गर्दै आउनुभएका वर्ष ३८ का नारायण बहादुर केसीको मुटु रोगका कारण उपचारको क्रममा ओसाका स्थित कोनो जनरल हस्पिटलमा निधन भएको थियो ।
दुःखको यस घडीमा थोरै भए पनि सहयोग पुगोस् भन्दै अर्लाङकोट सेवा समाजले आर्थिक सहयोग अपिल गरेको थियो । मृतककी श्रीमती कमला केसीलाई सेवा समाज जापानले सुरु गरेको आर्थिक सहयोगको रकम ओसाकाको उमेदामा ६० मान एन ( ६ लाख भन्दा बढि) हस्तान्तरण गरेको समाजका संस्थापक संरक्षण तुल्सीराम खरेलले युगदर्शनलाई जानकारी दिनुभयो । संस्थापक संरक्षक खरेलले सहयोग हस्तान्तरण गर्दै सम्पूर्ण सहयोगी हातहरुलाई समाजको तर्फबाट धन्यवाद समेत व्यक्त गर्नुभएको थियो ।
कार्यक्रममा मुक्तिराम खरेल, टिकाराम कँडेल, एनआरएन कान्साई, संयोजक दिलीप गैरे, कमल जिसी, सुरज जिसी लगायतको उपस्थिती रहेको थियो ।
