काठमाडौं । दार्चुलास्थित महाकाली नदीमा बेपत्ता जयसिंह धामीको घटनाबारे छानबिन गर्न गठित समितिले प्रतिवेदन बुझाएको छ ।
मंगलबार समितिका संयोजक सहसचिव जनार्दन गौतमले गृहमन्त्री बालकृष्ण खाँणलाई प्रतिवेदन बुझाउनुभएको हो ।
साउन १५ गते तुइनबाट महाकाली नदी तर्ने क्रममा भारतीय एसएसबीले तुइन काटिदिएपछि धामी बेपत्ता छन् । उक्त घटनाको छानबिन गर्न साउन १७ गते सहसचिव गौतमलेको संयोजकत्वमा समिति बनाइएको थियो ।
प्रतिवेदन बुझ्दै गृहमन्त्री खाणले प्रतिवेदन कार्यान्वयन गर्न सरकार प्रतिबद्ध रहेको बताउनुभएको छ । प्रतिवेदन कार्यान्वयनको प्रक्रिया थाल्न गृहसचिव टेकनारायण पाण्डेलाई निर्देशन दिएको गृह मन्त्रालयले जनाएको छ।
नागरिकको जीवन रक्षाका लागि सरकार प्रतिबद्ध रहेको बताउँदै गृहमन्त्री खाँणले स्थलगत रूपमा पुगेर तयार पारिएको प्रतिवेदनने नागरिकमा विश्वास जगाउनेमा आफू आशावादी रहेको बताए।
शंवेदनशील विषयमा दुःखगरी बनाएको प्रतिवेदन आगामी दिनका लागि मार्गदर्शन बन्ने उनको भनाई छ। मन्त्री खाणले प्रतिवेदन कार्यान्वयनका लागि तत्कालै गृहसचिव पाण्डेलाई हस्तान्तरण गरेका थिए।
