पुष्कर भट्ट, महेन्द्रनगर ।
वेदकोट नगरपालिका वडा नं. ७ गाउजीमा २०७८ साउन ६ गते करार शिक्षक छनोटको क्रममा धाँधली भएको भनी साउन ८ गतेदेखि स्कुल प्रशासनमा लगाइएको ताल्चा अहिलेसम्म खुल्न सकेको छैन ।
लामो समयसम्म ताल्चा कायमै रहँदा पनि सम्बन्धित निकाय मौन रहेको अवस्थामा जनस्तरबाट गठित सङ्घर्ष समितिका संयोजक मोहनबहादुर चन्दको अध्यक्षतामा बसेको सङ्घर्ष समितिको बैठकले आन्दोलनको स्वरूप परिवर्तन गरेको जनाइएको छ ।
सङ्घर्ष समिति सहसंयोजक पुष्कर भट्टको हस्ताक्षरमा जारी गरिएको प्रेसविज्ञप्तिमा भनिएको छ–
“आजकै मितिबाट लागु हुने गरी दोषी प्रअ र परीक्षा समितिको संयोजकलाई स्थानीय निकायले माग गरे वा सङ्घर्ष समितिले आवश्यक ठाने फुकुवा हुने गरी आजकै मितिबाट स्कुल परिसरभित्र प्रवेश निषेध गरेको छ । साथै सङ्घर्ष समितिको निर्णयलाई उल्लङ्घन गरे हुन जाने क्षति स्वयम्ले बेहोर्नुपर्ने जानकारीसमेत जानकारी गराउँछौँ ।”
यो पनि
शिक्षक छनोट प्रक्रियामा भएको अनियमितता विरुद्ध सङ्घर्ष समिति गठन
शिक्षक छनौटमा धाँधली गरेको आरोपमा स्थानीयले लगाए विद्यालयमा ताला
