पुष्कर भट्ट, महेन्द्रनगर ।
कञ्चनपुर बेदकोट नगरपालिका–७ गाउजीस्थित प्रेमसिंह धामी स्मृति आधारभूत विद्यालयमा करार शिक्षक छनोट प्रक्रियामा भएको अनियमितता विरुद्ध सङ्घर्ष समिति गठन भएको छ ।
गोपनीयता भङ्ग गरी प्रश्नपत्र आउट गरेकोमा परीक्षा निष्पक्ष नभएको भन्दै स्थानीय सरोकारवाला तथा अभिभावकले २०७८ साउन १० गते सो समिति गठन गरेका हुन् ।
उनीहरूले गोपनीयता भङ्ग गरी पदीय मर्यादा विपरीत काम गरेकोले परिक्षा समिति र प्रश्नपत्र बाहिर दिने प्रधानाध्यापकमाथि कारबाही गर्न पनि माग गरेका छन् ।
सङ्घर्ष समितिमा विद्यालय व्यवस्थापन समिति पूर्वअध्यक्ष मोहनबहादुर चन्द अध्यक्षमा चयन हुनुभएको छ भने सदस्यमा स्थानीय समाजसेवी पुष्कर भट्ट र प्रकाश जोशी, पूर्व विद्यालय व्यवस्थापन समितिका अध्यक्ष गोकर्ण धामी र लालसिंह बोहरा, समाजसेवी महेश भट्ट र अभिभावक गोविन्द गिरी रहनुभएको छ ।
यो पनिः शिक्षक छनौटमा धाँधली गरेको आरोपमा स्थानीयले लगाए विद्यालयमा ताला
त्यस्तै, सल्लाहकार समितिमा बुद्धिजीवी महेशराज जोशी, पूर्व विद्यालय व्यवस्थापन समितिका अध्यक्ष रविन्द्र धामी र समाजसेवी जगत् विष्ट रहनुभएको छ ।
साउन ८ गते स्कुलमा करार शिक्षकको परीक्षामा धाँधली भयो भनी लगाइएको ताल्चा लगाउँदै आन्दोलन अगाडि बढेको थियो । उक्त भेलाले आन्दोलनलाइ सङ्घर्ष समितिमार्फत थप सशक्त बनाउने निर्णय गरेको बताइएको छ ।
