खिमराज चालिसे, चंडिगढ।
मूल प्रवाह अखिल भारत नेपाली एकता समाजले सुदूरपश्चिमोत्तर क्षेत्रीय समितिद्वारा सञ्चालित डबवाली नगर समिति अन्तर्गत सेरगढ एरिया स्थित बिशाल कुखुरा फार्ममा संगठन निर्माण गरेको छ ।
मूल प्रवाहका केन्द्रीय उपाध्यक्ष कपिल खनाल, सचिव त्रिभुवन भट्टराई र नगर अध्यक्ष तेजा सिंह विकको उपस्थितिमा संगठन निर्माण गरिएको हो । सो फार्ममा कार्यरत नेपालीको अवस्था निरीक्षणपछि मूल प्रवाहले मजदुरहरूलाई संगठित गरेको थियो ।
कार्यक्रममा मूल प्रवाहको आवश्यकता बारे उपाध्यक्ष खनालले मजदुरहरूलाई प्रशिक्षण दिनुभएको थियो । सोही क्रममा सेरगढ एरिया समिति गठन गरिएको हो ।
समितिको अध्यक्षमा गौतम केसी, उपाध्यक्ष रमेश कुँवर, सचिव मदन केसी, कोषाध्यक्ष सुरेश केसी र सदस्यहरूमा जनक केसी, उत्तम केसी, दिपक घर्ती, रेमलाल खनाल रहनुभएको छ भने एक स्थान रिक्त राखिएको छ ।
