काठमाडौं । राष्ट्रिय प्रजातन्त्र पार्टीका अध्यक्ष कमल थापाले विभिन्न प्रदेशमा देखिएका घटनाक्रमले संघीयताको औचित्यमाथि प्रश्नचिन्ह खडा भएको बताउनुभएको छ ।

शुक्रबार ट्वीट गर्दै थापाले संघीयताको औचित्य सकिएको भन्दै देशले धान्ने नसक्ने र अनावश्यक संघीय संरचनाबारे पुनर्विचार गर्न आग्रह गर्नुभएको छ ।

‘लुम्बिनी, कर्णाली र गण्डकी प्रदेशमा विकसित पछिल्ला राजनीतिक घटनाक्रमले संघियताको औचित्य माथि फेरि एकपटक प्रश्नचिन्ह खडा गरेको छ’ थापाले लेख्नुभएको छ, ‘प्रदेशसभा जीवित नै रहेको अवस्थामा अध्यादेशबाट बजेट ल्याउनु गलत, अमर्यादित र असंवैधानिक छ । देशले धान्ने नसक्ने र अनावश्यक संघीय संरचनाबारे पुनर्विचार गरौँ ।’

लुम्बिनी,कर्णाली र गण्डकी प्रदेशमा विकसित पछिल्ला राजनीतिक घटनाक्रमले संघियताको औचित्य माथि फेरि एकपटक प्रश्नचिन्ह खडा गरेको छ।
प्रदेशसभा जिवित नै रहेको अवस्थामा अध्यादेशबाट बजेट ल्याउनु गलत,अमर्यादित र असंवैधानिक छ।देशले धान्ने नसक्ने र अनावश्यक संघिय संरचनावारे पुनर्विचार गरौँ

— Kamal Thapa (@KTnepal) July 16, 2021

बिहीबार मात्रै कर्णाली प्रदेश सरकारले अध्यादेशमार्फत बजेट ल्याएको थियो भने शुक्रबार लुम्बिनी प्रदेश सरकारले पनि अध्यादेशबाटै बजेट ल्याएको छ । संसद छँदाछँदै अध्यादेशबाट बजेट ल्याएर संघीयताको औचित्य नरहेको पुष्टि भएको थापाको तर्क छ ।