सउल । दक्षिण कोरियामा कोरोना सङ्क्रमण बढ्दै गएको बताइएको छ ।
दक्षिण कोरियाका अधिकारीले दिएको जानकारीअनुसार यहाँ गएको २४ घन्टामा एक हजार २७५ जना सङ्क्रमित पाइएका छन् । केही हप्ताअघिसम्म सात सयभन्दा बढी सङ्क्रमित नरहेकोमा अहिले आएर भने प्रत्येक दिन एक हजार भन्दा बढी सङ्क्रमित भेटिएका छन् ।
सो सङ्ख्यामा वृद्धि भएर बुधबार र बिहिबार सङ्क्रमित पाइएको समाचारमा जनाइएको छ । योसँगै दक्षिण कोरियामा कोभिडका सङ्क्रमितको सङ्ख्या एक लाख ६४ हजार २८ जना पुगेको बताइएको छ । यहाँ पछिल्ला केही हप्ता यतादेखि कोभिडका सङ्क्रमितको सङ्ख्या बढ्दो देखिएको छ ।
बुधबार मात्र पनि यहाँ देखिएको एक हजार २१२ जना सङ्क्रमित भेटिएको थियो । यहाँ बिहिबार देखिएको यो सङ्ख्या अहिलेसम्मकै सबैभन्दा धेरै हो । त्यसैले यहाँका अधिकारीहरूले दक्षिण कोरियाका स्वास्थ्य अधिकारीले यहाँ कोभिडको चौथो वेभ सुरु भएको बताएका छन् ।
यहाँका स्वास्थ्य अधिकारीहरूले यसै हप्ता अर्थात् यही जुलाई १ देखि ७ तारिखसम्ममा देशैभर देखिएको सङ्क्रमितको सङ्ख्या देशव्यापी तथ्याङ्कको हिसाब गर्दा अघिल्ला तीन हप्ताको तुलनामा ५३ प्रतिशत बढी देखिएको छ ।
यो तथ्याङ्क आएपछि यहाँका स्वास्थ्य अधिकारीहरूले दक्षिण कोरिया औपचारिक रूपमा नै कोरोना महामारीको चौथो चरणमा प्रवेश गरेको बताएका छन् ।
बिहीबार देखिएका यी सङ्क्रमितहरूमा ६०० भन्दा बढी राजधानी सोलकै रहेका पाइएको छ । यसकारण पनि धेरै पछि यति धेरै सङ्ख्यामा सङ्क्रमितहरू देखिँदा देश कोरोना महामारीको अर्काे वेभमा प्रवेश गरेको बताइएको हो ।
यहाँ कोराना विरुद्धको खोपका अभियानलाई ब्यापक बनाइएको छ । जसका कारण यहाँ यो सङ्क्रमणबाट मृत्यु हुनेको सङ्ख्या भने कमी देखिएको स्वास्थ्य क्षेत्रका अधिकारीहरूले जनाएका छन् । (रासस/सिन्ह्वा)
