परासी । राष्ट्रिय जनमोर्चा कपिलवस्तुको आयोजनामा जिल्लाका नगरपालिका र गाउँपालिकाका अगुवा कार्यकर्ताको भर्चुअल प्रशिक्षण कार्यक्रम सम्पन्न भएको छ ।
शुक्रबार सम्पन्न उक्त कार्यक्रममा नेकपा (मसाल) का महामन्त्री कमरेड मोहनविक्रम सिंह, राष्ट्रिय जनमोर्चाका केन्द्रीय अध्यक्ष चित्रबहादुर केसी, राजमो उपाध्यक्ष तथा प्रवक्ता दुर्गा पौडेल र वामपन्थी नेता सुरेश थापाले प्रशिक्षण दिनु भएको थियो
प्रशिक्षण कार्यक्रममा पार्टीका विरुद्ध फैलाइएको भ्रमबारे, पार्टी, सिद्धान्त र अनुशासनबारे, केपी ओलीको निरङ्कुशता, अधिनायकवादी व्यक्तिवादी, प्रतिगामी कदमबारे, प्रतिगमन विरुद्ध सङ्घर्ष, काङ्ग्रेस, माओवादी, माधव नेपाल समूह, जसपा उपेन्द्र समूहसँग प्रतिगमन विरुद्ध कार्यगत एकताबारे, राजावादी, प्रतिगामी र भारतीय जनता पार्टीको गणतन्त्र समाप्त पारी एकतन्त्रीय हिन्दु राज्य कायम गर्ने योजनाबारे, साम्राज्यवादी शक्तिको नेपालमा चलखेलबारे, विप्लव, बैद्य समूहको नीतिले प्रतिक्रियावादीहरूलाई बल पुर्याएकोबारे प्रशिक्षण दिनुभएको थियो ।
कार्यक्रमको अध्यक्षता राजमो जिल्लाध्यक्ष दधिराम आचार्यले र सञ्चालन रामप्रसाद बेल्बासेले गर्नुभएको थियो ।
