ब्रसेल्स । युरोपेली सङ्घले कोरोना विरुद्धको खोप लगाएकालाई यात्रा गर्न दिने व्यवस्था गर्न लागेकै बेला कोभिसिल्ड खोप लगाएकालाई भने मान्यता नदिने भएको छ ।
सङ्घले सबै खोप लगाएकालाई मान्यता दिन नसकिने शुक्रबार सङ्केत गरेको हो ।
सङ्घको चिकित्सासम्वन्धी कार्यालयले भारतमा बनाइएको कोभिसिल्डलगायतका केही खोप लगाएकालाई विश्वास गर्न नसकिने जनाएको छ ।
चिकित्सा कार्यालयले कोभिसिल्डलाई विश्वास नगरेपछि युरोपेली सङ्घले पनि उनीहरूलाई युरोप प्रवेश गर्न अनुमति नदिन सकिने निीकर्ष निकालेको बताइएको छ ।
युरोपेली चिकित्सा कार्यालयले युरोपेली आयोगलाई समेत भारतमा बनेको खोप लगाएकालाई युरोप प्रवेशमा अनुमति नदिन सिफारिस गरेको छ ।
अमेरिका, बेलायत र युरोपेली मुलुकमा बनाइएको खोप लगाएकालाई मात्रै युरोप प्रवेशका लागि अनुमति दिएमा मात्रै युरोपमा कोरोना सङ्क्रमण थप फैलिन कम हुने उनीहरूको भनाइ छ ।
युरोपेली आयोगको निर्णयसँगै भारतको कोभिसिल्ड खोपप्रतिको विश्वसनीयता र उपयोगीतामा फेरि आशङ्का उत्पन्न भएको छ । (रासस/सिन्ह्वा)
