हरि प्रसाद सापकोटा, बारा ।
प्रदेश नं १ र २ मा राष्ट्रिय जनमोर्चाको संयुक्त प्रशिक्षण कार्यक्रम सम्पन्न भएको छ । भर्चुअल माध्यमबाट भएको कार्यक्रममा अध्यक्ष चित्रबहादुर केसीले प्रशिक्षण दिनुभएको थियो ।
त्यस क्रममा अध्यक्ष केसीले तात्कालिन राजनीतिक अवस्थाको बारेमा स्पष्ट पार्नुभएको थियो । उहाँले बर्तमान सरकार कसरी सिमित लोकतन्त्र समाप्त पार्दै गइरहेको छ भन्दै प्रधानमन्त्री केपी ओली साम्राज्यवादीहरुको चंगुलमा नराम्रोसँग फसिसकेको बताउनुभयो ।
कार्यक्रममा राजमोका केन्द्रीय सचिव हिमलाल पुरी र नेकपा (मसाल) का प्रवक्ता रामप्रकाश पुरीले सांगठनिक विषयमा प्रशिक्षण दिनुभएको थियो ।
कार्यक्रमको अध्यक्षता २ नंं प्रदेस अध्यक्ष काजी लाल वाईवा र सन्चालन हरिप्रसाद सापकोटाले गर्नु भएको थियो । कार्यक्रममा राजमोका वैकल्पिक केन्द्रीय सदस्य चिन्तामणी शर्मा पौडेल, नेता धर्मानन्द सुवेदीसहित प्रदेश १ र २ का अगुवा कार्यकर्ताहरुको सहभागिता रहेको थियो ।
