दमास्कस । सिरियाको उत्तर–पश्चिमी क्षेत्रका लाखौँ नागरिकलाई मानवीय सहायता आवश्यकता परेको छ । ती क्षेत्रका मानिसलाई अहिले खाना, औषधि तथा अन्य आधारभूत तथा अत्यावश्यकताका सामाग्रीको पनि उपलब्धता हुन सकेको छैन ।
संयुक्त राष्ट्र सङ्घका मानवीय सहायतासम्बन्धी निकायका अधिकारीले सो जानकारी दिएका छन् । उनीहरूका अनुसार सिरियाको उत्तर–पश्चिमी क्षेत्रमा बसोबास गरिरहेका ३४ लाख नागरिकमध्ये ९० प्रतिशतलाई मानवीय सहायताको खाँचो रहेको छ ।
ती नागिरिक सिरियामा करिब एक दशकको समयमा द्वन्द्वको चपेटामा परेका छन्, जसका कारणले अहिले आएर आर्थिक सङ्कट थपिएको छ । त्यसैले उनीहरू खाना र बासकै समस्यामा परेका छन् । ती क्षेत्र बढी मात्रामा द्वन्द्वग्रस्त क्षेत्र पनि भएकोले गर्दा सरकारले पनि सहायता सामग्री पुर्याउन सकिरहेको छैन ।
संयुक्त राष्ट्र सङ्घका अधिकारीले पछिल्लो समयमा त्यहाँ कोभिडको पनि समस्या उत्पन्न भएको छ । यो महामारीबाट बच्ने उपायबारे यहाँका अधिकारीले परामर्श दिन नसकेका र सहायता पु¥याउन नसकेका बताइएको छ । (रासस÷सिन्ह्वा)
