काठमाडौँ । कोरोना भाइरसको संक्रमणबाट क्योकुसिन करातेका पहिलो ब्याचका खेलाडी रामजीप्रसाद बज्राचार्यको निधन भएको छ । उनको बलम्बुस्थित सशस्त्र प्रहरीको अस्पतालमा उपचारका क्रममा आज निधन भएको हो ।
यही वैशाख १६ गते कोरोनाबाट संक्रमित भएपछि ६६ वर्षीय बज्राचार्यलाई गणेशमान सिंह मेमोरियल अस्पताल भर्ना गरिएको थियो । सो अस्पतालमा निको नभएपछि उनलाई १९ गते थप उपचारका लागि सशस्त्र प्रहरीको अस्पताल लगिएको ओलम्पियन एवम बक्सिङ प्रशिक्षक दीपक महर्जनले जानकारी दिए ।
बज्राचार्यले सन् १९८२ मा सिंगापुरमा तथा सन् १९८४ मा इन्डोनेसियामा सम्पन्न अल एसिया फुल कन्ट्याक्ट कराते च्याम्पियनसिपमा प्रतिस्पर्धा गरेका थिए । इन्डोसिनामा सम्पन्न प्रतियोगितामा उनले कास्य पदक प्राप्त गरेका थिए । विसं २०३९ देखि क्योकुसिन कराते खेल्दै आएका बज्राचार्य दुई पटक राष्ट्रिय च्याम्पियन बनेका थिए ।
