काठमाडौँ । नेपालमा गएको २४ घण्टामा थप पाँच हजार ७२८ जनामा कोरोना सङ्क्रमण पुष्टि भएको छ ।

१५ हजार ३९१ जनाको पिसिआर परीक्षण गर्दा पाँच हजार ६७५ र ५२५ जनाको एन्टिजेन परीक्षण गर्दा ७० जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

कोरोना सङ्क्रमणका कारण आज थप ३३ जनाको मृत्यु भएको छ । योसहित अहिलेसम्म मृत्यु हुनेको सङ्ख्या तीन हजार २७९ पुगेको मन्त्रालयले जनाएको छ ।

यस्तै, आज ९२८ जना सङ्क्रमणमुक्त भएर घर फर्किएका छन् ।

नेपालमा हालसम्म तीन लाख २३ हजार १८७ जना सङ्क्रमित भइसकेका छन् भने दुई लाख ८१ हजार ९५ जना सङ्क्रमणमुक्त भएका छन् ।