काठमाडौं । काठमाडौंमा जारी त्रिदेशीय फुटबल प्रतियोगितामा नेपालले किर्गिस्तान यू २३ टोलीसँग गोलरहित बराबरी खेलेको छ । दशरथ रंगशालामा बिहीबार साँझ भएको खेलमा पटक पटकका मौका सदुपयोग गर्न नसक्दा नेपाल अंक बाड्न बाध्य भयो ।

दोस्रो हाफमा किर्गिस्तान दश खेलाडीमा सीमित भएपनि नेपालले त्यसको सदुपयोग गर्न सकेन । ६७औं मिनेटमा किर्गिस्तानका कप्तान टिसेभ कमालेदिनले दोस्रो पहेलो कार्ड पाउँदै मैदान छाडेका थिए ।

यो बराबरीसँगै बंगलादेश प्रतियोगिताको फाइनलमा पुगेको छ । बंगलादेशले मंगलबार भएको खेलमा किर्गिस्तानलाई १-० गोलअन्तरले पराजित गरेको थियो ।

किर्गिस्तानले अब चैत्र १४ गते हुने बंगलादेशविरुद्धको खेलको नतिजा कुर्नुपर्ने भएको छ । बंगलादेशलाई नेपालले हराएमा वा बराबरी रोकेमा पनि नेपाल फाइनलमा पुग्नेछ। फाइनल खेल चैत्र १६ गते हुनेछ ।