तिलक थापा,बागलुङ।
अखिल (छैठौं) बागलुङको आयोजनामा सरस्वती मावि दुदिलाभाटीमा प्रशिक्षण भेला सम्पन्न भएको छ । जसअन्तर्गत २०७७ चैत्र ९ गते गलकोट नगरपालिका वडा नं. १, दुदिलाभाटीस्थित सरस्वती माविमा एकाइ प्रशिक्षण भेला सम्पन्न भएको हो ।

उक्त कार्यक्रममा अखिल (छैठौं) बागलुङका सल्लाहकार मनिष कँडेल, जिल्ला सदस्य गणेश सापकोटाले प्रशिक्षण दिनुभएको थियो ।

भेलाले सागर नेपालीको अध्यक्षतामा २७ सदस्यीय अखिल (छैठौ) सरस्वती मावि एकाइ समिति चयन गरेको छ, जसको उपाध्यक्षमा नवीन नेपाली, सचिवमा आयुषा सुवेदी, सहसचिवमा खिमा बुढाथोकी र कोषाध्यक्षमा मुस्कान नेपाली रहनु भएको छ रहनुभएको छ ।

आगामी २० र २१ गते गलकोटमा सम्पन्न हुन गइरहेको अखिल (छैठौं) बागलुङको चौबिसौँ जिल्ला सम्मेलनको पूर्वसन्ध्यामा (छैठौं) बागलुङले जिल्लाव्यापी रूपमा आफ्नो गतिविधि तीव्र पारेको छ ।