तिलक थापा, बागलुङ ।
बाग्लुङ नगरपालिका वडा न. १४ नारायणस्थानमा अखिल नेपाल युवक संघको भेला सम्पन्न भएको छ । मंगलबार सम्पन्न भेलाले प्रकाश पौडेलको अध्यक्षता ९ पूर्ण, २ वैकल्पिक र ४ सल्लाहकार रहेको १५ सदस्य वडा समिति चयन गरेको छ ।
समितिको उपाध्यक्षमा सौरव सुनार, सचिव सुमन गौतम, सहसचिव सैलेश हरिजन, कोषाध्यक्ष कमला सुवेदी तथा सदस्यहरुमा सुरेश शर्मा, नेत्रबहादुर खत्री, बद्री पौडेल, चन्द्रा सुनार चयन हुनुभएको छ भने उपेन्द्र बस्नेत र विवेक हरिजन वैकल्पिक सदस्यमा चयन हुनु भएको छ। त्यसैगरी सल्लाहकार सदस्यमा हिमाल सुवेदी, बद्री पौडेल, जयनारायण सुवेदी, नारायण शर्मा रमेश रहनु भएको छ ।
कार्यक्रमका प्रमुख अतिथि अखिल नेपाल युवक संघका गण्डकी प्रदेश सचिव संजाल शर्माले उदघाटन मन्तव्यको क्रममा नेपाली युवाहरू झन् झन् समस्यामा फँस्दै गइरहेको बताउँदै रोजगारीको लागि विदेश नै जानुपर्ने बाध्यता रहेको र रेमिट्यान्सले मुलुक समृद्ध नहुने बताउनु भयो ।
उहाँले देश विकासको मेरुदण्ड युवा भएको हुँदा युवाको सिप, क्षमता र साहसलाई राज्यले कहाँ प्रयोग गर्ने त्यसको योजना बनाई युवालाई परिचालन गर्न नसक्दा जनताको जनजीवनमा असर परेको बताउनु भयो । शर्माले युवाको हक अधिकार खोजी गर्न, अन्याय, अत्याचार र शोषण, दमन र भ्रस्टाचार विरुद्ध युवाहरू सचेत र संगठित प्रकारले आन्दोलित हुन समेत आग्रह गर्नु भयो ।
कार्यक्रममा राष्ट्रिय जनमोर्चाका जिल्ला सदस्य योगेन्द्र पौडेल, किसान संघका जिल्ला सदस्य ढुण्डिराज पौडेल, ब्यापार संघका नगर सद्स्य भक्त सुनार र समता समाजका स्थानीय नेता डिलबहादुर नेपालीले भेला सफलताको शुभकामना दिनु भएको थियो ।
युवक संघ बाग्लुङका नगर सदस्य प्रकाश पौडेलको अध्यक्षता सुरु भएको भेलामा स्वागत सुरेश शर्माले गर्नु भएको थियो भने सञ्चालन सुमन गौतमले गर्नु भएको थियो ।
अखिल नेपाल युवक संघ बाग्लुङको ११ औं जिल्ला सम्मेलनको पूर्व सन्ध्यामा चैत मसान्तसम्म जिल्लाका सम्पूर्ण वडा भेला गर्ने युवक संघ बाग्लुङले बताएको छ । जिल्ला सम्मेलन २०७८ वैशाख २४ र २५ गते गलकोटमा सम्पन्न हुँदै छ ।
