संजाल शर्मा, बाग्लुङ ।
बागलुङको जैमिनी नगरपालिका–५ विनमारेमा राष्ट्रिय जनमोर्चा लगायत विभिन्न जनवर्गीय संगठनको संयुक्त भेला सम्पन्न भएको छ । भेलाले राजमोको वडा समिति गठन गर्नुका साथै विभिन्न जनवर्गीय संगठनका छुट्टाछुट्टै भेलाले ती संगठनका समिति समेत गठन गरेका छन् ।
बृहत् भेलाको अध्यक्षता रवि शर्माले गर्नु भएको थियो । राष्ट्रिय जनमोर्चाका बिस्णु पौडेलले स्वागत गरि अगाडि बढेको कार्यक्रमको संचालन नारायण शर्माले गर्नु भएको थियो।
भवानी पाण्डेको अध्यक्षतामा ११ पुर्ण, १ रिक्त र ३ वैकल्पिक सहित १५ सदस्यीय राजमो विनमारे वडा समिति गठन गरेको हो । समितिको उपाध्यक्ष, सचिव, सहसचिव र कोषाध्यक्षमा क्रमशः पुस्प थापा, नारायण पौडेल, खगराज शर्मा, बिष्णु पौडेल रहनु भएको छ भने सदस्यहरुमा केदार शर्मा, भिम थापा, तिलक कौशल, पूर्णकला आचार्य, उजेली नेपाली, गोबिन्द पौडेल र एक रिक्त तथा वैकल्पिक सदस्यमा दुर्गाबहादुर नेपाली, माया बोहरा, कृष्ण पौडेल चयन हुनु भएको छ। समितीले रामकुमार बिक, नरबहादुर मल्ल, रविप्रसाद शर्मालाई सल्लाहकार चयन गरेको छ ।
त्यसैगरी भेलाले राजकुमारी थापाको अध्यक्षतामा १३ पूर्ण र ३ सल्लाहकार रहेको अखिल नेपाल महिला संघको जैमिनी–५ वडा समिती गठन भएको छ । उपाध्यक्ष, सचिव, सहसचिव र कोषाध्यक्षमा क्रमशः लक्ष्मी थापा, चन्द्रा शर्मा, उमा शर्मा पौडेल, पुतली बोहोरा रहनु भएको छ भने सदस्यहरुमा ममता पाण्डे, उजेली नेपाली, कोपिला सुनार, गिता शर्मा, जीवन नेपाली, माया बोहरा, इन्दिरा शर्मा, उजेली सुनार रहनु भएको छ भने समितिको सल्लाहकारमा कौशिला थापा, पबित्रा शर्मा, रमा बिक रहनु भएको छ ।
भेलाले भिमबहादुर थापाको अध्यक्षतामा ९ पूर्ण र ३ सल्लाहकार रहेको जनजाति सम्मेलनको वडा समिती गठन गरेको छ । समितिको उपाध्यक्ष, सचिव, सहसचिव र कोषाध्यक्षमा क्रमशः ललित थापा, पम्फा थापा, यम कुमारी थापा र माया थापा रहनुभएको छ भने सदस्यहरुमा तुलि थापा, देउ रुपा थापा, रिमाला थापा, कुमारी थापा रहनु भएको छ । यस्तै, लाल बहादुर थापा, नर बहादुर थापा, फटिराम थापा रहेको ३ सदस्य सल्लाहकार समिति गठन भएको छ।
कार्यक्रमलाई सम्बोधन गर्दै राष्ट्रिय जनमोर्चाका जैमिनी नगर सचिव ठाकुर शर्माले राष्ट्रिय जनमोर्चा सदैब राष्ट्रियता, जनतन्त्र र जनजीविकाको आन्दोलनमा अग्रमोर्चामा रहेको बताउनु भयो ।
अखिल नेपाल महिला संघका केन्द्रीय सदस्य रुद्रा केसी, जातीय समता समाजका प्रमान्द विक र जैमिनी–५ का वडा अध्यक्ष तथा राजमोका जिल्ला सल्लाहकार गोपालप्रसाद शर्मा, युवक संघका गण्डकी प्रदेश सचिव संजाल शर्मा लगाएतले भेला सफलता शुभकामना मन्तव्य दिनुभएको थियो ।
