काठमाडौँ । नेपालमा हालसम्म चार लाख २९ हजार ७०५ जनाले कोरोना खोप लगाएका छन् ।
Advertisement
स्वास्थ्य तथा जनसङ्ख्या मन्त्रालयका अनुसार फागुन १० गतेसम्म १.४ प्रतिशत जनसङ्ख्याले कोभिड १९ खोप लगाएका छन् ।
मन्त्रालयलका अनुसार पहिलो प्राथमिकताको पहिलो चरण (माघ १४–२४) सम्म एक लाख ८५ हजार ८६५ जनाले खोप लगाएका थिए ।
यस्तै, पहिलो प्राथमिकताको पहिलो चरणमा थप (माघ २६–३०) सम्म तीन हजार ४८० र दोस्रो चरणमा (फागुन २ देखि १०) सम्म दुई लाख ४० हजार ३६० जनाले खोप लगाएका छन् ।
अबको चरणमा ५५ वर्षमाथिकालाई खोप दिइने बताइएको छ ।
