पुष्कर भट्ट/कञ्चनपुर ।।
राष्ट्रिय जनमोर्चा बेदकोट नगरपालिका वडा नम्बर ८ को बैजनाथ टोलमा आज फागुन १० गते भेला सम्पन्न भएको छ ।
राजमोका ८ नम्बर वडाध्यक्ष पदम साउदको अध्यक्षता र अखिल (छैठौं) का महासचिव महेशराज जोशीको विशेष उपस्थिति बेदकोट–८ बैजनाथ टोलको २ नम्बरमा सो कार्यक्रम सम्पन्न भएको हो ।
भेलाले दामी कुँवरको संयोजकत्वमा सहसंयोजक रामसिंह कार्की र कोषाध्यक्षमा मानमति बम रहेको १७ सदस्यीय समिति गठन गरेको छ ।
अखिल (छैठौं) जिल्ला सचिव पुष्कर भट्टले सञ्चालन गर्नुभएको उक्त कार्यक्रममा स्वागत मन्तव्य अखिल नेपाल युवक सङ्घका प्रदेश सदस्य भुपेन्द्र भण्डारीले गर्नुभएको थियो । कार्यक्रममा राजमो नेता मानबहादुर टेर र अखिल (छैठौं) का महासचिव महेशराज जोशीले मन्तव्य राख्नुभएको थियो ।
कार्यक्रममा अखिल (छैठौं) का जिल्लाध्यक्ष महेश भट्ट, राजमो नेता नरेन्द्र साउद, जयबहादुर कार्की, युवा नेता अशोक बोहरालगायतका नेता–कार्यकर्ताको उपस्थिति रहेको थियो ।
