तिलक थापा, बागलुङ ।
राष्ट्रिय जनमोर्चा बागलुङले करिब डेढ महिनादेखि सञ्चालन गरेको विशेष संगठनात्मक अभियानको समापन गर्नुका साथै कार्यशाला सम्पन्न गरेको छ ।
‘विघटित प्रतिनिधिसभाको पुनर्स्थापना गर, गणतन्त्र, राष्ट्रियता र धर्मनिरपेक्षताको रक्षा गरौं, संघीयता र भ्रष्टाचारका विरुद्ध संघर्ष गरौं’ भन्ने मूल नाराका साथ सञ्चालन भएको विशेष संगठनात्मक अभियानको समीक्षा तथा कार्यशाला शनिबार बागलुङ बजारमा सम्पन्न गरिएको हो ।
कार्यक्रमको उद्घाटन गर्दै राष्ट्रिय जनमोर्चा बागलुङका अध्यक्ष अमर थापाले बर्तमान ओली सरकारको प्रतिगामी कदमका विरुद्ध सशक्त आन्दोलन गर्न सबैलाई आग्रह गर्नुभयो । उहाँले जनताको आशा र भरोसाको एक मात्र केन्द्र राष्ट्रिय जनमोर्चाका कार्यकर्ताहरु जस्तो सुकै अप्ठ्यारोमा पनि जनताका बिचमा पुग्न र संगठित पार्न कार्यकर्तालाई अनुरोध गर्नु भयो ।
कार्यक्रममा राष्ट्रिय जनमोर्चा बागलुङका उपाध्यक्ष धर्मबहादुर कुंवर, नेपाल कम्युनिस्ट पार्टी (मसाल) बागलुङका प्रवक्ता मेघबहादुर पाईजा, राजमो बागलुङका सचिवालय सदस्य तथा गण्डकी प्रदेश सभा सदस्य खिमविक्रम शाही, जिल्ला सचिव भिमलाल पोखरेल, अखिल नेपाल महिला संघका केन्द्रीय उपाध्यक्ष लक्ष्मी बास्कोटा लगायतले मन्तव्य व्यक्त गर्नु भएको थियो ।
कार्यक्रम अखिल नेपाल युवक संघका केन्द्रीय उपाध्यक्ष लक्ष्मण पुन, अखिल (छैठौं) बागलुङका अध्यक्ष ईन्द्रमणी पाण्डे, अखिल नेपाल किसान संघका जिल्ला अध्यक्ष नेत्र बुढाथोकी लगायतका नेताहरुको आतित्थ्यता रहेको थियोे ।
कार्यक्रममा राष्ट्रिय जनमोर्चाबाट निर्वाचित जनप्रतिनिधि जनमोर्चाका जिल्ला, पालिका र वडा स्तरका नेता तथा कार्यकर्ताहरुको सहभागिता रहेको थियो । राष्ट्रिय जनमोर्चाका राष्ट्रिय परिषद् सदस्य गौरीश्वर पाण्डेको अध्यक्षता, परिषद् सदस्य तिलक थापाको स्वागत मन्तव्य र अखिल नेपाल युवक संघका केन्द्रीय कोषाध्यक्ष भिमसेन वनको सन्चालनमा सम्पन भएको थियोे ।
कार्यक्रममा बिशेष संगठनात्मक अभियानको समीक्षा र आगामी कार्यक्रम साथै ओली सरकारले गरेका असंवैधानिक कदमका बिरुद्ध आन्दोलनका कार्यक्रम समेत तय गरेको छ भने फागुन ९ र १० गते बागलुङ बजारमा राष्ट्रिय जनमोर्चा जिल्ला समिति बागलुङको प्रशिक्षण भेला सम्पन्न हुँदैछ ।
