काठमाडौं । भारतका गृहमन्त्री एवम् भाजपाका पूर्व राष्ट्रिय अध्यक्ष अमित शाहले नेपालमा भारतीय जनता पार्टी (भाजपा) को सरकार स्थापना गर्ने योजना रहेको बताएका छन् ।
त्रिपुराका मुख्यमन्त्री विप्लव कुमार देवले शनिबार रबिन्द्र सतबारशीकी भवनमा पार्टीको एक कार्यक्रममा छिमेकी श्रीलंका र नेपालमा भाजपा सरकार स्थापना गर्ने योजना शाहको योजना रहेको खुलासा गरेका हुन् ।
भारतका धेरैजसो राज्यहरूमा विजयी भएपछि छिमेकी देशहरूमा पार्टी स्थापना गर्ने योजनामा शाह रहेको देवलाई उदृत गर्दै भारतीय सञ्चारमाध्यम इस्टमोजोले जनाएको छ ।
‘हामी राज्यको गेस्ट हाउसमा कुरा गरिरहेका थियौं, जब अजय जामवालले (भाजपाको उत्तर–पूर्व अञ्चल सचिव) ले भारतका धेरै राज्यमा बीजेपीले आफ्नो सरकार गठन गरेको भने’ शाहले भने, ‘अब श्रीलंका र नेपाल बाँकी छ। हामीले श्रीलंका, नेपालमा पार्टी विस्तार गर्नुपर्नेछ र सरकार गठन गर्न त्यहाँ जित्नुपर्नेछ’ देवले अमित शाहको भनाई उदृत गर्दै भने।
देवले भने कि अमित शाहको नेतृत्वमा मात्रै बीजेपी विश्वको सबैभन्दा ठूलो पार्टी भयो ।
‘कम्युनिष्टले उनीहरूको पार्टी संसारको सब भन्दा ठूलो हो भन्ने दाबी गरेका थिए जसलाई अमित शाहले भाजपालाई विश्वको सबैभन्दा ठूलो पार्टी बनाएर तोडे । दीनदयाल उपाध्यायको पार्टी, श्यामा प्रसादको पार्टी, पृथ्वी प्रधान पार्टी’ देवले थपे।
विपक्षी सीपीआईएम र कांग्रेसले सार्वजनिक बैठकमा त्रिपुराका मुख्यमन्त्रीले गरेको दाबीको बारेमा केन्द्रीय नेतृत्वबाट कारबाही र स्पष्टीकरणको माग गरेका छन् ।
‘मुख्यमन्त्रीले बयान दिएका छन् कि अमित शाह, जब पार्टीका अध्यक्ष थिए, भाजपा नेपाल, बंगलादेश र श्रीलंकामा आफ्नो सरकार स्थापना गर्ने लक्ष्यमा छ। यसको अर्थ उनीहरूले विदेशका मामिलामा हस्तक्षेप गरिरहेका छन्’ सीपीआईएम नेता र पूर्व सांसद जितेन्द्र चौधरीले भने, ‘वर्तमान गृहमन्त्री अमित शाह नेपाल विरुद्ध राज्य षडयन्त्रमा संलग्न छन्। शाहले पनि भनेका छन र प्रमाण हाम्रो त्रिपुरा राज्यमा संवैधानिक पदको व्यक्तिले दिएको छ।’
उनले यो पनि माग गरे कि भाजपाले दिएको बयानको बिरूद्ध जवाफ दिनुपर्नेछ किनभने राज्यका एक निर्वाचित मुख्यमन्त्रीले भनेका अरु कुनै पनि कुरा थिएन र यो यथार्थतापूर्वक लिनु हुँदैन।
‘भाजपाले यसको जवाफ दिनुपर्दछ र प्रधानमन्त्री नरेन्द्र मोदीले पनि यस विषयमा बोल्नु पर्छ’ चौधरीले भने ।
मुख्यमन्त्री विप्लव कुमार देवलाई प्रतिक्रिया व्यक्त गर्दै प्रदेश कांग्रेसका उपाध्यक्ष तपस डेले भने कि भारत साम्राज्यवादमा विश्वास गर्दैन र धेरै वर्षसम्म उस्तै लडिरहेको छ।
‘यो दुर्भाग्यपूर्ण छ कि त्रिपुराका मुख्यमन्त्री साम्राज्यवादका समर्थक हुन्। श्रीलंका र नेपाल दुवै सार्वभौम देशहरू हुन् र हामी उनीहरूको आन्तरिक मामिलामा हस्तक्षेप गर्न वा केही गर्न सक्दैनौं’ डेले भने, ‘यो एक सार्वभौम देशको एक मुख्यमन्त्रीले भनेको देश विरोधी बयान हो। हामी उनको बिरूद्ध राष्ट्रिय बयानको लागि कारबाहीको माग गर्दछौं।’
