संजाल शर्मा, बागलुङ ।
अखिल नेपाल युवक संघ जैमिनी नगरको आयोजना जैमिनी–५ को बिनमारेमा तीने दिने प्रशिक्षण कार्यक्रम सुरु भएको छ । कार्यक्रमको युवक संघका महासचिव कृष्णराज पाण्डेले उद्घाटन गर्नु भयो ।
उद्घाटन मन्तव्य राख्दै प्रमुख अतिथि पाण्डेलेले बामपंथी समर्थन रहेको दुई तिहाईको बलियो सरकार विघटन गरि केपी शर्मा ओलीले प्रतिगामी कदम चालेको बताउँदै, संसद पुनर्स्थापना गर्न युवकहरु आन्दोलित हुन आग्रह गर्नुभयो । बर्तमन सरकारले युवाका समस्या र संभावनालाई पहिचान गर्न नसकेको बताउँदै उहाँले देश विकासको मेरुदण्ड नै युवा भएको हुँदा युवाहरूलाई त्यही प्रकारले परिचालन गर्न माग गर्नु भयो ।
देशमा ब्याप्त भ्रष्टाचार, बलात्कार, महंगीकाविरुद्ध युवाहरुलाई आन्दोलित र संगठित हुन अनुरोध गर्दै उहाँले युवाहरुलाई सिपमुलक तालिम लिएर उद्यमशिलताको बाटो रोज्न अनुरोध गर्नु भयो ।
कार्यक्रममा राष्ट्रिय जनमोर्चाका जिल्ला सल्लाहकार गौरिश्वर पाण्डे, जनजाति सम्मेलनका पूर्व सल्लाहकार नर पुन, कृषि बिज्ञ तथा अखिल (छैटौं)का पूर्व केन्द्रीय सदस्य माधब पौडेल, युवक संघका प्रदेश सचिव संजाल शर्मा, जैमिनी–५ का वडाअध्यक्ष गोपालप्रसाद पौडेल लगायतका नेताहरुले शुभकामना दिनु भएको थियो ।
नगर अध्यक्ष यम पुनको अध्यक्षता सुरु भएको कार्यक्रमको स्वागत नगर सदस्य हरि पौडेलले गर्नु भएको थियो भने संचालन युवक संघ जिल्ला सदस्य खगेन्द्र थापाले गर्नु भएको थियो । तीन दिनसम्म चल्ने कार्यक्रममा विभिन्न विषयका बिज्ञहरुले महत्त्वपूर्ण प्रशिक्षण दिने कार्यक्रम रहेको आयोजकले जनाएको छ।
