शंकरप्रसाद पोख्रेल, गुल्मी ।
प्यूठानको माण्डवी गाउँपालिका–४ की खगा राना र झिम्रुक गाउँपालिका–१ का केसर रोकाबीच प्रगतिशील विवाह सम्पन्न भएको छ । अखिल नेपाल युवक संघको आयोजनामा आइतबार एक कार्यक्रमबीच प्रगतिशील बिबाह सम्पन्न भएको हो ।
कार्यक्रममा राष्ट्रिय जनमोर्चाका उपाध्यक्ष एंव प्रवक्ता दुर्गा पौडेलले समाजमा हुने विकृति बिसंगती तोड्दै प्रगतिशील विवाह गर्नु सकारात्मक भएको बताउनु भयो । उहाँले विवाहको नाममा छोरीलाई शोषण गर्न नहुने भन्दै छोराछोरी बराबरी भएकोले सबै अग्रजव्यक्तिहरुले समाजमा चेतना फैलाउन आग्रह गर्नुभयो । प्रवक्ता पौडेलले बुर्जुवाको संस्कारलाई तोड्दै समाजको नमुना बन्न खगा र केसरलाई शुभकामना दिनुभएको थियो।
त्यस्तै, प्रदेश सांसद तारा जिसी, अखिल नेपाल किसान महासंघका केन्द्रीय उपाध्यक्ष शिव पौडेल, अखिल नेपाल युवक संघका केन्द्रीय उपाध्यक्ष चित्रा एमसी, नेकपा (मसाल) रुपन्देहीका प्रवक्ता नारायण जिसी, मल्लरानी गाउँपालिकाका अध्यक्ष अमरध्वज राना, खगा रानाका बुवा यमबहादुर राना र केसर रोकाका बुवा कृष्णबहादुर रोका, युगदर्शन गुल्मीका संवाददाता शंकरप्रसाद पोख्रेल, भरतमणि न्यौपाने,अर्जुन बिक, बलबहादुर पुन तोयराम बाठा मगर, महिला संघ जिल्ला अध्यक्ष पदमा पण्डितलगायतले शुभकामना दिनुभएको थियो ।
राना अखिल नेपाल युवक संघका प्युठान जिल्ला इन्चार्ज पनि हुनुहुन्छ ।कार्यक्रमको अध्यक्षता खगा रानाको बुवा याम बहादुर राना, सञ्चालन अखिल नेपाल युवक संघ जिल्ला उपाध्यक्ष कमल पौडेल र स्वागत भासण जिल्ला सचिव बरुणध्वज मल्लले गर्नु भएको थियोे ।
