खिमराज चालिसे, चंडिगढ ।
मूल प्रवाह अखिल भारत नेपाली एकता समाज रोपड़ नगर समितीले आफ्ना नगर सदस्य तथा एरिया अध्यक्ष शेरबहादुर थापा (दर्लामी मगर) को विदाइ गरेको छ ।
पंजाबको रोपड स्थित पिएसपिसीएल थर्मल प्लान्टवाट सेवानिवृत्त थापा मूल प्रवाहको रोपड़ नगर तथा एरिया समिति नुहुकलोनी ‘सि’का अध्यक्ष हुनुहुन्थ्यो । उहाँलाई मूल प्रवाह केन्द्रीय सदस्य एवम् सुदूरपश्चीमोत्तर क्षेत्रीय अध्यक्ष प्रेम सापकोटा र क्षेत्रीय सदस्य खगी थापाले फूलमाला तथा स्मृति चिन्ह दिएर सम्मानका साथ बिदाई गर्नुभएको थियो ।
बुटबल महानगरपालिका वार्ड नम्बर १५ सिमलार घर भएका सेवानिवृत्त थापाले आफूले स्वदेशमा राजमोलाई सहयोग तथा समर्थन गर्ने प्रतिवद्धता समेत गर्नु भयो ।
शेर बहादुरको योगदानको चर्चा गर्दै शुभकामना दिने वक्ताहरुमा मूल प्रवाह केन्द्रीय सदस्य एवम् क्षेत्रीय अध्यक्ष प्रेम सापकोटा, क्षेत्रीय जनजाति विभागका बिलबहादुर गुरुङ, मूल प्रवाह क्षेत्रीय सदस्यहरु छविलाल सापकोटा र शिवलाल लामीछाने, रक्तिम विभागका मनकाजी गुरूङ, मूल प्रवाहको नगरका सोभाराम सापकोटा, महिला नगर विभागकी लक्ष्मी गुरुङ, बाल विभागकी सुश्री प्रतिक्षा थापा र चन्द्रदत्त सापकोटा लगाएत हुनुहुन्थ्यो ।
लाल बहादुर थापाको अध्यक्षतामा तथा दयाराम लामिछानेको सञ्चालनमा सम्पन्न कार्यक्रममा ओमप्रकाश थापाले स्वागत गर्नुभएको थियो।
