काठमाडौं । खातामा पर्याप्त रकम नभएका चेक दिएर ठगी गरेको आरोपमा प्रहरीले एक जनालाई पक्राउ गरेको छ । पक्राउ पर्नेमा काठमाडौं महानगरपालिका –९ स्थित जय बाबा गोरख कन्स्ट्रक्सन प्रालिका सञ्चालक श्यामकुमार श्रेष्ठ रहेका छन्।

पक्राउ परेका श्रेष्ठले रकम नभएको खाताको चेक दिएर एक करोड ३६ लाख १० हजार दुई सय ८८ रुपैयाँ ठगी गरेको प्रहरीले जनाएको छ । पुरानो बानेश्वरस्थित समानान्तर निर्माण सेवा प्रालिका निरोज कुमार थपलियाको जाहेरीका अधारमा प्रहरीले उनलाई पक्राउ गरेको हो ।

श्रेष्ठले सितापाइला सडक खण्डमा अस्फाल्ट पाभिङ वर्कस कार्य सम्पन्न गरे बापतको रकम दिनु पर्नेमा ग्लोबल आईएमई बैंक कान्तिपथ शाखाको चेक दिई फरार रहेका थिए ।