काठमाडौं । नेपाल पत्रकार महासंघले श्रमजीवी पत्रकारको शोषण गरेको भन्दै कारोबार दैनिक घेराउ गर्ने भएको छ । महासंघले दैनिक पत्रिकाको कार्यालय र व्यवस्थापकको निवास घेराउ गर्नेदेखि व्यवस्थापकको फोटो प्रदर्शन गर्ने र कोण शभालगायतका कार्यक्रम सार्वजनिक गरेको छ ।
कारोबार राष्ट्रिय दैनिकमा निष्काशित श्रमजीवी पत्रकारहरुको ससम्मान पुनर्बहाली, श्रमजीवी पत्रकार ऐनको पूर्ण कार्यान्वयन, सरकारले तोकेको पारिश्रमिक (स्केल बमोजिम) उपलब्ध गराउनुपर्ने, ६ महिना अवधि पुरा गरिसकेका पत्रकार/कर्मचारीहरुलाई स्थायी गर्नुपर्नेलगायतका माग राखी यसअघि महासंघकै नेतृत्वमा पटक–पटक आन्दोलन, छलफल र संवादबाट हल गर्न प्रयत्न भएपनि अहिलेसम्म कुनै सुनुवाई नभएको महासंघले जनाएको छ।
महासंघका अनुसार यही पुस १६ गते कालो ब्यानरसहित निवास घेराउ, आइतबार प्लेकार्डसहित निवास घेराउ, व्यवस्थापकको फोटो प्रदर्शनसहित निवास अगाडि कोणसभा र २३ गते सञ्चालकका छिमेकमा माइकिङसहित पर्चा वितरण गरिने कार्यक्रम तय गरेको जनाएको छ ।
यस्तो छ महासंघको विज्ञप्तिः
