खिमबहादुर विक, हैदरावाद ।
अन्तर्रास्ट्रिय एकताको लागि नेपाली जनताको मञ्चको आयोजनामा भारतको हैदरावादमा १२८औँ माओ जयन्ती मनाइएको छ । जुम अन्लाइन मार्फत सम्पन्न उक्त कार्यक्रममा भारत स्थित नेपालीहरुको अभिभावक संगठन मूल प्रवाह अखिल भारत नेपाली एकता समाजका नेताहरुले माओको जिवनी, चिनियाँ कम्युनिस्ट आन्दोलन, चिनमा जनवादी क्रान्ति र उहाँले प्रतिपादन गरेका सिद्धान्तबारे प्रष्टाउनु भएको थियो ।
कार्यक्रममा मूल प्रवाहका महासचिव ठाकुर खनालले अर्ध सामन्ती र अर्ध औपनिवेशिक चिनमा कमरेड माओको नेतृत्वमा नयाँ जनवादी क्रान्ति सफल पारी चीन मात्र होइन, संसार भरिका निमुखा जनताको मुक्तिको मार्ग देखाएको बताउनुभयो । चिनियाँ जनतालाइ संगठित गरि मार्क्सले मार्क्र्सवादी, लेनिनवादी विचारधाराको हतियारले पूँजीपती, दलाल तथा साम्राज्यवादीहरुलाइ परास्त गरेको स्मरण गर्नुभयो ।
उहाँले देशको बर्तमान परिस्थिति र जनताको ठूलो आन्दोलनद्वारा प्राप्त गणतन्त्र नै अहिले धरापमा परेको अबस्थामा संसद विघटनको बिरोध मात्र होइन सशक्त आन्दोलनको आवश्यकता औँल्याउनुभयो ।
कार्यक्रममा मूल प्रवाह केन्द्रीय सचिव तथा मध्य दक्षिण क्षेत्रीय इन्चार्ज प्रेम पौडेलले पनि माओले प्रतिपादन गरेका सिद्धान्तलाई आत्मसात गर्दै आम सोशित पीडित जनताको व्यवस्था स्थापनामा जोड दिनु भयो ।
मूल प्रवाह केन्द्रीय सदस्य रामप्रसाद आचार्य, मध्य दक्षिण क्षेत्रीय अध्यक्ष रामप्रसाद पौडेल, हैदरावाद उत्तर नगर अध्यक्ष मोहनलाल शर्मा, मध्य हैदरावाद कोषाध्यक्ष राजु दुलालले पनि सम्बोधन गर्नु भएको थियो ।
कार्यक्रममा मूल प्रवाह केन्द्रीय वरिष्ठ सल्लाहकार धनवीर पुन, मूल प्रवाह मध्य दक्षिण सहसचिव भिमबहादुर थापाले पनि अतिथी आसन ग्रहण गर्नु भएको थियो ।
कार्यक्रमको अध्यक्षता घनश्याम शर्मा पौडेल, सञ्चालन खिमबहादुर विक र स्वागत तिलक रानासहित मध्य दक्षिण क्षेत्रीय कलाकारहरुले गर्नु भएको थियो ।
