काठमाडौँ । कमानसिंह लामाको निधनप्रति नेकपा (मसाल) ले श्रद्धाञ्जली व्यक्त गरेको छ । महामन्त्री मोहनविक्रिम सिंहको हस्ताक्षरमा जारी शोकवक्तव्यमा लामाप्रति श्रद्धाञ्जली तथा सन्तप्त परिवारजनप्रति समवेदना प्रकट गरिएको हो ।
आज बिहान टिचिङ अस्पतालमा निधन भएका लामाप्रति श्रद्धाञ्जली दिइएको महामन्त्री सिंहको शोकवक्तव्य यस्तो छ–
“का. कमानसिंह लामाको ६९ वर्षको उमेरमा मृत्यु भएको छ । हामीले उहाँको मृत्युप्रति गहिरो दुःख प्रकट गर्दछौँ ।
का. लामा लामो समयसम्म हाम्रो पार्टीमा आबद्ध हुनुहुन्थ्यो । पछि हाम्रो पार्टीसित मतभेद भएपछि उहा“ तत्कालीन संयुक्त जनमोर्चामा आबद्ध हुनुभएको थियो । उहा“ त्यो सङ्गठनबाट २०४८ सालको संसदीय चुनावमा काभ्रे जिल्लाबाट प्रतिनिधि सभामा विजयी हुनुभएको थियो । पछिल्लो अवधिमा उहा“ सत्तारूढ नेकपाको केन्द्रीय सदस्य हुनुहुन्थ्यो ।
यसरी का. लामा निरन्तर रूपमा नेपाली कम्युनिस्ट आन्दोलनमा सम्बद्ध रहेर सक्रिय रहनुभएको थियो । उहा“को मृत्युबाट नेपाली कम्युनिस्ट आन्दोलनलाई गम्भीर क्षति भएको छ ।
अन्तमा हामीले का. लामाप्रति हार्दिक श्रद्धाञ्जली व्यक्त गर्दै उहा“का सन्तप्त परिवारजनप्रति समवेदना प्रकट गर्दछौँ ।”
