धनवीर पुन, नयाँ दिल्ली ।
मूल प्रवाह अखिल भारत नेपाली एकता समाज पश्चिम भारत क्षेत्रीय समिति अन्तरगत दमन नगर समितिले २०७७ सालको प्रगतिशील देउसी भैलो कार्यक्रमको समिक्षा गरेको छ ।
कार्यक्रमलाई सम्बोधन गर्दै मूल प्रवाहका केन्द्रीय सदस्य गोविन्द बहादुर थापाले प्रवासमा मूल प्रवाहले नेपालीहरुको हक हितको लागि खेलिरहेको भूमिकाबारे स्पष्ट पार्नुभएको थियो । उहाँले भारतमा रहेर पनि नेपाली संस्कृतिलाई प्रगतिशील रुपमा अघि बढाएकोमा सबै कार्यकर्ताहरुलाई धन्यवाद पनि दिनुभयो ।
कार्यक्रममा मूल प्रवाहका पश्चिम क्षेत्रीय अध्यक्ष बेद बहादुर कार्की, क्षेत्रीय सद्स्य बाबुराम दहित चौधरी र नगर अध्यक्ष शेर बहादुर विकले पनि मन्तव्य व्यक्त गर्नुभएको थियो ।
नगर अध्यक्ष शेर बहादुर विकको अध्यक्षता तथा सदस्य गणेश ओझाको सञ्चालनमा सम्पन्न कार्यक्रममा सुरेश परियारले स्वागत गर्नुभएको थियो ।
