खुम रायामाझी, कुवेत ।
कुवेत नेपाली एकता समाजको उपाध्यक्षमा दिनेश शर्मा चयन हुनुभएको छ । प्रथम राष्ट्रिय भेलाद्वारा निर्वाचित उपाध्यक्ष जनक भुसाल स्वदेश फर्किनुभएपछि लामो समयसम्म रिक्त स्थानमा शर्मा चयन हुनुभएको हो ।

उपाध्यक्ष शर्मा यसभन्दा पहिला भारत र कतारमा नेपाली एकता समाजका विभिन्न तहमा रहेर काम गरिसकेका व्यक्ति हुनुहुन्छ।

शुक्रवार कुवेतस्थित फर्वानियाँ पार्कमा समाजका अध्यक्ष निम वुढा मगरको अध्यक्षतामा बसेको केन्द्रीय समितिको पुर्ण बैठकले रिक्त पदाधिकारी नियुक्त गर्दै पदपूर्ति गरेको हो ।

उक्त वैठकले समाजको दोस्रो राष्ट्रिय भेला आगामी १५ जनवरी २०२१ का दिन गर्ने गरी सल्लाहकार अनिल रसाइलीको संयोजक्त्वमा ५ सदस्सीय तयारी समिती पनि गठन गरेको अध्यक्ष निम बुढा मगरले जानाकारी दिनु भएको छ।