काठमाडौं । बैतडीमा जीप दुर्घटना हुँदा ५ जनाको मृत्यु भएको छ । घटनामा परी अन्य ४ जना घाइते भएका छन् ।

बैतडीको झुलाघाटबाट सदमुकाम गोठालापानी जाँदै गरेको ना १ ज २१९६ को जिप बुढ्ढा नजिकै दुर्घटना हुँदा जीपमा सवार पाँच जनाको मृत्यु भएको प्रहरीले जनाएको छ । पाँचै जनाको घटनास्थलमै मृत्यु भएको हो ।

मृत्यु हुनेमा दशरथचन्द नगरपालिका–७ का पार्वती चन्द तथा अर्की यात्रु पार्वती चन्द, भगीरथ पाण्डे, कृष्ण लावड र कलावती चन्द रहेका छन् ।

दुर्घटनाको कारण यकिन हुन सकेको छैन । भारतमा पेनसन बुझेर घर फर्किएका व्यक्तिहरु सवार जिप दुर्घटनामा परेको हो । जिप सडकबाट तल खसेर क्षतिग्रस्त बनेको छ ।

घाइते ४ जनालाई उद्धार गरि उपचारको लागि अस्पताल पठाइएको र घटनाबारे अनुसन्धान भइरहेको प्रहरीले जनाएको छ ।