केपि बिरही, युएई ।
युएईमा बसेर गैरकानूनी अनलाइन बिजनेस गरेको भेटिएमा पाँच लाख दिराम जरिवानामा लाग्ने भएको छ । केही दिन यता युएईमा रहेका केही नेपालीहरुले अवैध ढंगले अनलाइन बिजनेस गरिरहेका भेटिएका छन् ।

बिशेष गरी सामाजिक सञ्जाल फेसबुक र टिकटकमा नेपालबाट ल्याएका कपडा, होम मेड अचार, नेपाली खाद्यान्न, सुकुटी र जुत्ताहरुको बिज्ञापन गरी मोबाइल नम्बरमा वाट्स एप गर्न भनिएको हुन्छ । दुबई र अबुधावी क्षेत्रमा बढी मात्रामा यस्तो गैरकानूनी कार्य भइरहेको छ ।

ती मध्ये अधिकांशले युएईको कानुन बमोजिम कुनै लाइसेन्स लिएका छैनन् । अर्थात ती गैरकानूनी कार्य गरिरहेका छन् । यस्तो कार्य युएईको कानून बमोजिम दण्डित छ ।

यस्तो अबैध ब्यापार गर्नेलाई ५ लाख दिराम सम्म जरिवाना हुने वकिल युसुफ अहमदले यहाँको स्थानीय मिडियामा बताएका छन् ।