केपि बिरही, युएई ।
सैनामैना सेवा समाज युएईले दुबईको सफा पार्कमा तिहार तथा छठ पर्वको शुभकामना आदानप्रदान गरेको छ । सैनामैना सेवा समाजका अध्यक्ष केशव ढकालको अध्यक्षतामा तथा महासचिव युबराज भट्टराईको सञ्चालनमा अघि बढेको शुभकामना कार्यक्रमका नेपाली समाजका अध्यक्ष गोबिन्द प्रसाद ढकाल, महासचिव बेद प्रकाश अर्याल,युएई नेपाली एकता समाज महिला विभागकी अध्यक्ष बिनु केसी, युगदर्शनका युएई सम्वाददाता केपि बिरही लगायतको उपस्थिती रहेको थियो ।
कार्यक्रममा नेपाली समाजका अध्यक्ष गोबिन्द प्रसाद ढकालले शुभकामना दिँदै कोरोनाको कहरमा पनि नेपालका चाडपर्वहरु मनाउन पहल गरेकोमा सैनामैना समाजका सम्पुर्ण पदाधिकारी हरुलाई धन्यवाद सहित यस्ता कार्यक्रममा धेरै भिडभाड नगर्न र धेरै मानिस एकजुट भएर हिँडडुल नर्गन सुझाव दिनु भएको थियो ।
युएई नेपाली एकता महिला विभागकी अध्यक्ष बिनु केसीले शुभकामना दिँदै प्रवासमा रहेर पनि हाम्रा रीतिरिवाजलाई जगेर्ना गर्न र चाड पर्वलाई प्रगतिशील रुपमा मनाउन अग्रह गर्नु भएको थियो । कार्यक्रममा रिता गौतम, मन्जु ढुंगाना लगाएतले शुभकामना दिनु भएको थियो ।
सैनामैना सेवा समाजका अध्यक्ष केशव ढकालले कार्यक्रममा उपस्थित सबैलाई धन्यवाद ज्ञापन गर्नु भएको थियो ।
